Copyright 2016-2019 Lifeword
Lakkal ceeciyan
Neešihaya futu ti manʼti kala almuhal
Ousmane Tandina
(Lifeword-Africa / Mali)
Duration: 00:10:54 Minutes
Listens:
0
Aired on May 15, 2024
Hunayan Sennoo

Scripture

Yaasawey 11

1Neešihaya futu manʼti kala almuhal Abadantaa se, neeši tondi kaŋ ga timme ga kan a se. 2Nda foomayan kaa, kaynandiyan kaa, lakkal sii kala borey bande kaŋ ga ngi boŋ yeeti ganda. 3Boro šerrantey laadirtaraa no mʼi gongu, zanbantey šenni bereyanoo gʼi halaci. 4Alman si haya kul hanse futay zaari hane, šerretaray no ma boro hallasi buuyan ra. 5Boro laadirantaa šerretaraa ga nga fondaa hanse, boro futu goy futaa gʼa kaŋandi. 6Boro šerrantey laadirtaraa no mʼi hallasi, zanbantey ibaayi futawey no mʼi kaŋandi kumsaa ra. 7Nda boro futu buu, nga jitoo dere, almanoo kaŋ ga a ga naata dere. 8Boro šerrante ga hun torrowey ra, boro futu ga huru dogoo ra. 9Boro kaŋ si hunbur Irkoy, nga miɲoo nda a ga nga cinaa halaci, bayray no ma boro šerrante hallasi. 10Nda boro šerrantey yafarhã, albarkaa no koyraa se, nda boro futu halaci, ɲaali kaatiyaŋ ga tee. 11Boro šerrantey albarkaa no ma koyraa jer, boro futawey, ngi miɲey nda i ga koyraa kayri. 12Boro kaŋ ga nga cinaa kaynandi sii nda lakkal, boro kaŋ goo nda fahamay mma dangay. 13Almunafiki ga sirri feeri, boro naanayante mma gaabu i ga. 14Nda gongukaw sii no, jamaa ga kaŋ, hallasiyan sii kala hoyraykaw boobo ra. 15Boro kaŋ na nga boŋ tee tolme boro tana maaganda kaŋ na garaw zaa, boraa huru šenday ra, boro kaŋ ga konna kabe karyan goo lakkalkanay ra.

Haya kul kaŋ nda boro ga neeša, a ma tee neeša tondi kaŋ se i ga nee puwa wala a ma tee karfu kaŋ ga neeša, a ga hima  ka tee woo kaŋ kayandi kaŋ goo yooboo ra, nda manʼti woo ma bay nʼna zunubu tee, nʼna haya meera tee.

Other media in this series