Copyright 2016-2019 Lifeword
Isa goo nda hinay haya kul ga
Isa na lutu noo baani
Ousmane Tandina
(Lifeword-Africa / Mali)
Duration: 00:10:58 Minutes
Listens:
0
Aired on Jul 24, 2024
Hunayan Sennoo

Scripture

Marku 7. 31-37

31Isa hun Tir laamaa ra ka bisa nda koyraa kaŋ maaɲoo ti Sidoŋ ka yee ka kaa Galile isabangoo here ka bisa nda Dekapol (maanaa «koyra woy (10)») laamaa game. 32Boroyaŋ kate a do boro foo kaŋ ga lutu, a si šelaŋ mo ka boori. I na Isa suurandi a ma kabe fur a ga. 33Isa nʼa ka mooru alžamaa ka koy jere ga. A na nga kabe-izey daŋ lutoo haŋawey ra jina, a tufa, a na tufaa zaa kʼa tuku lutoo deenoo ga, 34de a na nga boŋoo jer ka beenaa guna ka hunsar beeri foo tee ka nee a se: «Efaata!» kaŋ maanaa ti «Wa feeri!». 35[Dogoo din da] haŋawey feeri, deenoo hun denjiyanoo ga, de a šelaŋ nda fondaa. 36Isa na borey yaamar kaŋ i masʼa har boro kul se. Waati kul kaŋ Isa ga nee borey masʼa har, waati din no borey ga alhabaroo fee ka tonton. 37A tee alžamaa se boŋhaway beeri, de i nee: «Haya henna koonu no a gʼa tee! A ga lutey haŋawey feeri, a ga benbawey šelaŋandi.»

Lutu ma hin ka šelaŋ taaga, woo ti haya kaŋ ga šendi. Waatoo kaŋ lutoo woo too Isa do nga misoo hanse, zama Isa goo nda hinay ka lutu noo baani a ma šelaŋ taaga. Isa na nga boŋoo jer, maana ka Irkoy cee, dogoo din da a duu baani. Lutu maa, a šelaŋ. Kayfi!

Other media in this series