Copyright 2016-2019 Lifeword
Lakkal ceeciyan
Lakkal ga boro hallasi ifutu ra
Ousmane Tandina
(Lifeword-Africa / Mali)
Duration: 00:10:48 Minutes
Listens:
0
Aired on May 11, 2024
Hunayan Sennoo

Scripture

Yaasawey 1.1-9, 2.1-5

1Dawda izʼaroo Sulaymaana kaŋ ti Izirayel kokoyoo yaasawey ti wey. 2Hantumoo addaliloo manʼti kala ka borey noo lakkal nda hoyray, hala boro ma faham lakkal šenni se, 3ka duu hoyray kaŋ ga bayray noo, nda šerretaray, nda cimi, nda goy šerrante, 4ka boŋbiyey carmandi, ka aru sooga noo bayray nda miileyan. 5Lakkalkoynoo ma haŋajer, a ga tonton nga bayraa ga, boro kaŋ ga faham ga duu hoyray. 6Woo ra a ga wan yaasawey nda šenney feeriyanoo, ka wan lakkalkoyney šenney nda ngi albatawey. 7Ka hunbur Abadantaa ti bayray šintinoo, saama mma lakkal nda hoyray tee yaada. 8Ay izʼaroo, haŋajer ni baabaa hoyraa se, masi wanji ni ɲaa cawandoo, 9zama i ga fatala alhormante ka ni boŋoo taalam, i ga tee hiiri ni jindoo ra. 1Ay izʼaroo, nda nʼnʼay šenney dii, nda nʼnʼay yaamarey dii, 2nda nʼna haŋa kayandi lakkal šenney se, nda nʼna ni binoo hangandi fahamay bande, 3nda cimi, nda nʼna lakkal cee, nda nʼna ni jindoo jer fahamay se, 4nda nʼgʼa ceeci sanda nzorfu kaaray, nda nʼgʼa ceeci sanda alman, 5woo ra nʼga faham haya kaŋ ti Abadantaa hunburaa, nʼga duu Irkoy bayraa.

Dawda izʼaroo Sulaymaana ga yaasayyaŋ har ir se kaŋ ga ir noo lakkal, hala ir ma baa ihenna teeyan ka konna ifutu, ka Irkoy ceeci. Himakasinay  ra: Ka hunbur Abadantaa ti bayray šintinoo.

Other media in this series