Copyright 2016-2019 Lifeword
Gaabandi Irkoy bande
Gaabandi baji ga
Ousmane Tandina
(Lifeword-Africa / Mali)
Duration: 00:10:57 Minutes
Listens:
0
Aired on May 10, 2024
Hunayan Sennoo

Scripture

Korint borey bat jinaa 13

1Ba nda ay ga šenney šelaŋ kaŋ borey gʼi šelaŋ hala ka šenney šelaŋ kaŋ almalaykey gʼi šelaŋ, amma nda ay si baa boroa, ay ga hima nda guuru kaŋ ga kara-kara de, wala haya kaŋ ga dunduŋ de. 2Koyne mo nda ay duu annabitaray, de ay ga sirrey kul bay, de ay duu bayraa kul, de mo nda ay duu naanay beeri kaŋ ga kate ya hin ka tondi honduyaŋ ganandi, amma nda a gar ay si baa boro, ay manʼti baffoo. 3Ba nda ay gʼay almanoo kul zamna heraykoyney se, de ay gʼay kunturoo noo i mʼa tonb, amma nda a gar ay si baa boro, a si haya kul hanse ya ne. 4Baji ga suuri, a ga boori, a si canse, [baji] si bolsay, a si fooma, 5a si goy meera tee, a si nga boŋ nafaa ceeci, a si dukur, a si dori dii, 6a si ɲaali nda šerretaray jaŋay, a ga ɲaali nda cimi. 7Baji ga hinžee haya kul ra, a ga naanay haya kul, a ga haya kul naata, a ga haya kul muɲe. 8Baji si ben abada. Annabitaray ga kaa ka ben, šenney ga kaa ka naŋandi, bayray ga kaa ka ben. 9Sohõ bayray jere bara ir se, ir annabitaraa manʼti kala jere. 10Amma waati kaŋ woo kaŋ ga timme kaa, woo kaŋ ti jere ga kaa ka ben. 11Waatoo kaŋ ay ga tee zanka kaccu, ay ga šelaŋ sanda zanka kaccu, ay ga miile sanda zanka kaccu, ay ga hongu sanda zanka kaccu. Waatoo kaŋ ay tee aru, ay benandi nda zankakaccutaray hayey. 12Sohõ dijic nda ir ga dii, a si kaaray, amma ir ga kaa ka dii moo nda moo. Sohõ ay bayraa manʼti kala jere, amma ay bayraa ga kaa ka timme sanda takaa kaŋ nda Irkoy gʼay bay. 13Haya hinzaa kaŋ ga cindi ne: naanay, nda naata, nda baji, amma hayey wey kul ibeeroo manʼti kala baji.

Ne ra Pol ga cebe ir se kaŋ baji manʼti kala haya beeri. Haya hinzaa kaŋ ga cindi ne: naanay, nda naata, nda baji, amma hayey wey kul ibeeroo manʼti kala baji.

Other media in this series