Copyright 2016-2019 Lifeword
Lakkal ceeciyan
Woy zinateeri manʼti kala kumsay aru sooga se
Ousmane Tandina
(Lifeword-Africa / Mali)
Duration: 00:10:53 Minutes
Listens:
0
Aired on May 11, 2024
Hunayan Sennoo

Scripture

Yaasawey 7

1Ay izʼaroo, gaabu ay šenney ga, mʼay yaamarey dii. 2Gaabu ay yaamarey ga hala ma duu ka huna, gaabu ay cawandoo ga sanda ni mootondoo. 3I haw ni kabe-izey ga, i hantum ni binoo walhaa ga. 4Nee lakkal se: «Ay woymaa ti ni!» Ma bayray tee ni boraa. 5Woo ra, a ga ni hallasi wande waanoo ra, woyoo ra kaŋ nʼsʼa bay kaŋ ga šenni kaanay. 6Han foo, ay goo ay funeetaraa ga, ay ga guna nda nga guurey gamey. 7Ay goo ma guna boŋbiyey ra, ay na aru sooga foo laasaabu kaŋ sii nda lakkal. 8A ga bisa lolaa kanjoo ga kaŋ ra woyoo din goo, a ceesi ka koy nga hugoo here. 9Almaaroo ra no, waynaa kaŋyanoo ga, cijinoo nda kubaa goo ma huru. 10Woy foo ne kʼa kubay kaŋ bankaaray takaa ga cebe kaŋ woykuuru no, a ga caram. 11Woyoo woo, deenoo ga beeri, moɲoo ga kogu, a si goro nga hugoo ra, 12nda a sii lolaa ra, a goo farrey ra, a goo nongey kanjey kul ga a ga kumsay hirri. 13A na aru soogaa din dii kʼa summu nda mookogay ka nee a se: 14«Alaafiya teendi sargari no ay ga hima kʼa kaa, hõ ay nʼay meefurey kaa. 15Woo se ay fatta ka ni kubay, ay ceeci ya dii ni, de ay duu ni. 16Ay na kunta hennayaŋ daŋ ay daaroo ga, kunta caaranteyaŋ kaŋ teendi nda Misira šilli. 17Ay na turaari daŋ ay kanidogoo ra, nda mir, nda alowe, nda alkalfa. 18Kaa, ir ma daame baji ra hala moo booyan ga, ir mʼir boŋ noo baji kaanoo se. 19Zama ay kurɲoo sii hugey do, a naaru ka koy nongu mooro ra. 20A koy nda nga bande nooru foolaa, a si willi kate hugey do kala handu kaaraa hane.» 21Woyoo nʼa bere nda nga moɲey kaŋ hanse ka hay, a na nga šenni kaaney kʼa darga. 22Dogoo din da a hanga a, sanda yaaru kaŋ ga koy koosudogoo ra, sanda saama kaŋ i nʼa haw kʼa kara, 23hala waati kaŋ biraw-ize na nga tasaa hay, sanda ciraw kaŋ kaŋ kumsay ra, bila nda a ma bay kaŋ nga hundoo hayoo no. 24Sohõ ay izʼarey, wa haŋajer ya ne, wa lakkal daŋ ay miɲoo šenney se. 25Yala ni binoo masi yadda ka hanga woyoo woo dumoo, masi koy dere nga fondawey ra. 26Zama a na aru boobo kaŋandi kʼi wii, ba gaabikoyney, a nʼi kul wiib. 27Nga hugoo ti fondo kaŋ ga koy alaahara ka zunbu buuyan hugey do.

Fillaa woo ra ir ga baaba kaŋ ga nga izʼaroo hoyray a ma gaabu nga šenney ga, a ma nga yaamarey dii. A ga bayrandi a se kaŋ woo din ti hunayan henna a se. Woo ga kate a ma hallasi wonde waani ra.

Other media in this series