Search Lifeword Media Library

Irkoy hugoo cinayanoo

Irkoy hugoo jinawey
Fillaa woo si šelaŋ ir se kala jinawey kaŋ kokoyoo Dawda nda nga izʼaroo Sulaymaana nda jamaa nʼi noo nda ngi boŋ Irkoy hugoo cinayanoo se. Jinawey a goo i ra: alhan ganjey, nda Alhan hanfi beeroo, nda alhan taasawey, nda guuru jinawey nda jiney  tanayaŋ.
By: Ousmane Tandina
(Lifeword-Africa / Mali)
Aired on May 10, 2025
Irkoy hugoo cinayanoo

Sulaymaana šenney Irkoy hugoo ga
Kokoyoo Sulaymaana šelaŋ jamaa se ka gaara i se, a nee kaŋ nga ga albarka daŋ Abadantaa, Izirayel Koyoo se kaŋ šelaŋ nda nga miɲoo nga baabaa Dawda se, nga kabey na hayaa tee kaŋ a nʼa har.  
By: Ousmane Tandina
(Lifeword-Africa / Mali)
Aired on May 10, 2025
Irkoy hugoo cinayanoo

Sulaymaana Irkoy ŋaarayroo
Kokoyoo Sulaymaana kay Abadantaa sargari tonadogoo jine ka Izirayel margaroo kul tenje. A na nga kabey jer ka Irkoy ŋaaray. A nee: «Ya Abadantaa, Izirayel Koyoo, koy kul sii no sanda ni cine beenaa ra wala laboo ga.» A nʼa wiri Irkoy ga kaŋ a ma haŋajer boro kaŋ nʼa ŋaaray hugoo woo ra. Nda heray kaa gandaa ra, wala sorfa, wala kogay, wala ka dumari-izey funbandi, wala ndoo, wala ndoo-ize, wala nda iberiyaŋ kaa ka ni jamaa ga, nda dori dumi kul kaŋ no, wala wirci dumi kul kaŋ no, nda Izirayel boro foo wala jamaa na ni ŋaaray, mʼi zaabi, mʼi noo baani…
By: Ousmane Tandina
(Lifeword-Africa / Mali)
Aired on May 10, 2025
Irkoy hugoo cinayanoo

Sargarey kaŋ kaandi Abadantaa se
Waatoo kaŋ Sulaymaana na Irkoy ŋaaray ka ben, nuune zunbu ka hun beenaa ra ka  sargari kukurantaa nda sargari tanayaŋ ton, Abadantaa daržaa na hugoo too met. Izirayel borey kul dii nuunaa ga zunbu nda Abadantaa daržaa hugoo boŋ. I kanjezor, i na ndumey ka sujudu ka Abadantaa beerandi ka nee kaŋ nda cimi, Abadantaa ga boori, nga borohennataraa si ben abada. Fillaa woo aaya beeroo goo kaŋ ra Irkouy ga nee Sulaymaana se : « Nda ay jamaa kaŋ ga ay maaɲoo ga ciya na nga boŋ yeeti ganda, i nʼay ŋaaray, i na agay ndumoo ceeci, nda i yee ngi teegoy futawey se banda, agay, ay ga maa i se za beenaa kaŋ ra ay goo, ay ga ngi zunuboo yaafa, ay ga ngi gandaa noo baani.» Ta2 :7.14
By: Ousmane Tandina
(Lifeword-Africa / Mali)
Aired on May 10, 2025
Irkoy hugoo cinayanoo

Šeba kokoy woyoo kaa Sulaymaana do
Jiiri waranka (20) no Sulaymaana nʼa tee ka Abadantaa hugoo nda nga boŋ hugoo cinayanoo benandi. Šeba gandaa kokoy woyoo maa maaɲoo kaŋ Sulaymaana duu a, a kaa Žerizalem kʼa sii kʼa hãa ka dii nga lakkaloo. A na Sulaymaana noo gomni beeriyaŋ kaŋ ti: wura, nda nzorfoo nda haya booyaŋ. Woyoo bayrandi kaŋ hayaa kaŋ nga dii a bisa woo kaŋ nga maarʼa, a kayfi.
By: Ousmane Tandina
(Lifeword-Africa / Mali)
Aired on May 10, 2025
Irkoy daŋ jine

Dawda cebe kaŋ Sulaymaana no ma Irkoy hugoo cin
Dawda na Izirayel jamaa boŋkoyney kul marga Žerizalem. A tun ka kay ka nee i se kaŋ nga goo nda anniya ka hugu cin kaŋ ga tee nongoo kaŋ ra Abadantaa amaanaa sundukoo ga jisandi. A soolu nga mʼa cin. Amma Irkoy nee a se kaŋ ti manʼti nga no ma hugu cin nga maaɲoo ga, zama a manʼti kala wongu-ize, a nka kuri mun. Dawda cebe kaaray kaŋ Sulaymaana, nga izʼaroo no ma hugu cin Irkoy se.
By: Ousmane Tandina
(Lifeword-Africa / Mali)
Aired on May 01, 2025
Irkoy daŋ jine

Borey kabuzaamaa Abadantaa hugoo cinayanoo se
Kokoyoo Dawda na nga hinagoo kul tee ka Irkoy  hugoo jinawey soolu. Jamaa mo kate ngi kanbuzaamaa. Jinawey manʼti kala : Wura, nda nzorfu kaaray, nda alhan, nda guuru, nda bundu. Goykaw beerey ciyandi. Jiney kaŋ sii duwandi Izirayel ga koy dayandi ganda tana ra.
By: Ousmane Tandina
(Lifeword-Africa / Mali)
Aired on May 01, 2025
Irkoy daŋ jine

Kokoyoo Dawda buuroo
Kokoyoo Dawda na Izirayel kul laama. A na jiiri woytaaci (40) tee a ga tee Izirayel se kokoy. A na jiiri iyye tee a ga goro Hebroŋ ka laama, a na jiiri waranza cindi hinza (33) tee a ga goro Žerizalem ka laama. A buu žeenay henna ra, a duu aloomur boobo, nda alman nda beeray. Nga izʼaroo Sulaymaana tee kokoy dogoo ra.
By: Ousmane Tandina
(Lifeword-Africa / Mali)
Aired on May 01, 2025
Irkoy daŋ jine

Irkoy cinayanoo jinawey sooluuroo
Sulaymaana na boro zenber woyye (70.000) zaa kaŋ ga jinay jere, nda boro zenber woyyaaha (80.000) kaŋ ga tondi hoy tondi hondoo ra, nda boro zenber hinza nda zangu iddu (3.600) kaŋ gʼi lakkal.  Sulaymaana daŋ i ma nee Tir koyraa kokoyoo Hiram se kaŋ hayaa tee ya ne kaŋ nʼnʼa tee nga baabaa Dawda se kaŋ se a na bundu sanba hala a ma hugu cin kaŋ ra a ga goro. Nga Sulaymaana, ng ga hugu cin ng Koyoo, Abadantaa maaɲoo ga, hugu no kaŋ ga yeetandi jere ga a se.
By: Ousmane Tandina
(Lifeword-Africa / Mali)
Aired on May 01, 2025
Irkoy ti ganakey naataa

Irkoy ga kay nga ganakey se
Boro kaŋ ga baa Irkoy ašariyaa, de a ga miile a ga cijin nda zaari, boraa duu gomni beeri. Borey kaŋ ga baa Irkoy, Irkoy gʼi hawgay, a gʼi faaba waati kul. A ga haŋajer i se.
By: Ousmane Tandina
(Lifeword-Africa / Mali)
Aired on Feb 27, 2025
Irkoy ti ganakey naataa

Irkoy ga nga ganakey kur
Irkoy ga nga ganakey kur, nga kaŋ ti ngi gaaboo, a ga cahã ka kaa kʼi faaba. Ba nda i ga dira nongu laala ra, i si hunbur haya kul, zama Irkoy goo i bande, Irkoy kurkaw goboo nda nga kabe goboo gʼi noo lakkalkanay.
By: Ousmane Tandina
(Lifeword-Africa / Mali)
Aired on Feb 27, 2025
Irkoy ti ganakey naataa

Irkoy ga haŋajer nga jamaa se
Laboo nda haya kul kaŋ goo a boŋ manʼti kala Irkoy wane, nga wane nda aduɲɲa nda boro kul kaŋ ga goro a ra. Borey naanay Irkoy, ngi ti Irkoy jamaa, a ga haŋajer i se.Laboo nda haya kul kaŋ goo a boŋ manʼti kala Irkoy wane, nga wane nda aduɲɲa nda boro kul kaŋ ga goro a ra. Borey naanay Irkoy, ngi ti Irkoy jamaa, a ga haŋajer i se.
By: Ousmane Tandina
(Lifeword-Africa / Mali)
Aired on Feb 27, 2025
APPLY TO JOIN
DONATE NOW