Copyright 2016-2019 Lifeword
Šennoo
Irkoy Mešennoo 2
Ousmane Tandina
(Lifeword-Africa)
Duration: 00:13:03 Minutes
Listens:
0
Aired on Jul 09, 2023
Hunayan Sennoo

Scripture

Yehiya 1.1-18

1Hayey kul šintinoo ga, Šennoo ga bara. Šennoo goo Irkoy bande, Šennoo ti Irkoy. 2Šintinoo ga, a goo Irkoy bande. 3Hayaa kul mana teendi kala nda nga. Haya kul sii no kaŋ teendi bila nga. 4Nga ra hunaroo goo, hunaroo ti adamizey gaayoo. 5Gaayoo goo ma dii kubaa ra, amma kubaa mana hin a. 6Boro foo kaa, Irkoy dontokaw no, maaɲoo ti Yehiyaa. 7Nga ka kaa sanda seede ka seedetaray too gaayoo se hala nga bande, borey kul ma naanay. 8Manʼti nga ti gaayoo, amma a nka kaa ka seedetaray too gaayoo se. 9Gaay alhakiikaa woo kaa aduɲɲa ra ka adamizey kul noo gaay. 10Šennoo goo aduɲɲa ra, aduɲɲa mana teendi kala nda nga, amma aduɲɲa manʼa bay. 11A kaa nga gandaa ra, nga borey mana yadda a ga. 12Amma borey kul kaŋ nʼa dii, kaŋ naanay maaɲoo, a nʼi noo hini i ma tee Irkoy izeyaŋ, 13kaŋyaŋ mana hayandi nda borey hayandiroo takaa, wala nda assobon ibaayi, wala nda aru ibaayi, Irkoy kʼi hay. 14Šennoo tee boro, a goro ka waati tee ir game. Ir na nga daržaa guna sanda Izʼaru|Izʼaroo bajja folloku daržaa kaŋ hun Baabaa Irkoy do. A ga too nda anneema nda cimi. 15Yehiya na seedetaray tee a ga ka kaati ka nee: «Woo ti boraa kaŋ ga ay nee: ‹Boraa kaŋ ga kaa ay dumaa ga nʼay jin ka kaa, zama a nʼay jin ka bara.›» 16Hayaa kaŋ nʼa too, ir kul duu a ra, anneema ka kaa anneema. 17Zama Musa bande ašariyaa kaa, Isa Almasihu bande anneemaa nda cimoo kaa. 18Boro sii no kaŋ bay ka dii Irkoy. Izʼaru follokaa kaŋ goo Baabaa Irkoy binoo ra, nga ti boraa kaŋ nʼa bayrandi.

Irkoy nda nga Mešennoo kul man'ti kala affolloku. Irkoy ti nda nga Mešennoo, Mešennoo man'ti kala Irkoy.

Other media in this series