Ɛfɛsɛsema 5:12-12

5Bɛle Nyamenle amra mɔɔ ɔkulo bɛ a, yemɔti bɛbɔ mɔdenle kɛ bɛkɛyɛ kɛ ɔdaye ala la. 2 Bɛmaa ɛhulolɛ ɛvinde bɛ ɛbɛlabɔlɛ nu, kɛmɔ Kelaese hulole yɛ na ɔdole ye ngoane aze ɔmanle yɛ ɔvale ɔyɛle azubɔlɛ evuanlɛ mɔɔ sɔ Nyamenle anye la. 3 Bɛle Nyamenle menli, zɔhane ati bɛye adwɔmanebɔlɛ anzɛɛ nyɛleɛ ɛtane ɛtane anzɛɛ anyebolo wɔ bɛ nu bɔkɔɔ. 4 Bɛmmaka anyiemgba edwɛkɛ biala, bɛmmatendɛ ɛdendɛlɛ ɛtane yɛɛ bɛmmabɔ ngoayɛ mgbane mgbane. Mɔɔ ɔwɔ kɛ bɛyɛ la a le kɛ bɛkɛyɛ Nyamenle mo. 5 Bɛde ɛhye abo kpalɛ, awie biala mɔɔ bɔ adwɔmane anzɛɛ ye ɛbɛla nwo ɛnde anzɛɛ ɔle anyebolo (anyebolo le awozonlezonlenlɛ) la ɛnrɛnyia agyadeɛ wɔ Kelaese nee Nyamenle Belemgbunlililɛ ne anu. 6 Bɛmmamaa awie fa adubɛnloanu bɛlɛbɛla bɛ;