Wadasi luma Arijini
Lumagie 1965, afarenjatumuti Lifeword buiti uganu lau teknologia le buiti mabei. Tau meja dise tumalali watatira, Merigein güñe meja wayanaja. Gamalumoun, uguñe weyu idaragua laduwa internet lun wadisedagudini wagudarigi lun lachulurun buiti uganu lidon 121 ageiraü lidan ubou luma 43 iñeñe.
Anijein aban iseri anügüti fulasu wama giritu Lifeword Dúrari, gamalumoun lidaragubadiwa saragu lun dise tumala lachulurun dasi le. Lidaragubadiwa lun gayarala lachulurun buiti uganu habion sun ha gamabaña internet, aganba hameime buiti uganu lidan hererun.
Dumba ya lun barihini sun iñeñe luma ageiraü le ñi lubei tachulura Lifeword.
Touserunu Lifeword Dise Tumalali lidan Aban Ageiraü
Lumagiñe 2014, Ideraguatáu Lifeword saragu liligisi lidan ageiraü gudemeti lun hagumeserun onaha uganu tuegie dise tumalali. Lun gayara lan habuinchagudini ligarabalin hageira lau lanarime lisiehabu Bungiu. Lidan bi fulasu le mosu heibugu gürigia le ñeihei lumuti houdin. Casi sumbri gürigia ha oundarubaña tidan ligilisi, nadagumeitiña 3 lun 4 maili dise tuwei haban. Chuluti aban gafu lambara le anuguti 15- Voltiu lidon fulasa bi lira, Gawarati lichugun aban bateria le tani karu erei lun aban dise tumalali le anuguti 15 voltiu.
Dale tachulurun Lifeword lidan sun fulasu bi le, aban harufudaha houn asayahatiñu, alidihatiñu, inginieru, hama suntigadüga lun gayara lan hadugu iseri anügüti fulasu o programa le wálumuti harigei gürigia. Lidon ti uganu lira aban hachomblidoguni buiti uganu le lanugubei Kristu. Ayanuhouwa ligia luagu lugumehabu luman luweirin lisiehabu. Gamalumoun larigi hafuenderun hásügüragüduni uganu tuegie dise tumalali, gafu lambara, bigibigiti, aban harufudahan gürigia hara houn tinaniguri amu ligilisi. Itariliña tin watatirun adugan disipulu hau ásügüragüdutiña uganu.
Uganu Tuagu Lifeword Dúrari
Taduguña Lifeword katei iseri. Dasi le gadabanua orale gebunati ladugunua aban plataforma giriti Dúrari. Lidagubaduati Durari lun gawaranla wasuguragudun programa o uguna luerigien internet. Wasuguraguduba bandi uganu le aranseja wamalibei lidan sun dimi san irumu le suguhalibei, asta lougie dimi san irumu luerigien internet. Lachulurüba dan lun lerederun Lifeword.org kei aban fulasu le ñein lubei gayarala hayabin sun gürigia aganba luagu luweirin lisiebu Jesus tidan heñeñe guanurügu.
Busietuwa lun lachulurun dan lun gayarabei lan warihin 200 iñeñe arufuduwa tidan gie Lifeword Dúrari. Lun gayarabei lan haganbuni gürigia uraga le weitumabei y haneimetumabei lidan sun ubou.
Gábafuti Lifeword Dúrari lun lachuluraguduni buiti uganu luagu Kristu houn lougie biyoun gürigia.